kan duhna tenawm chu

Kan duhna hian LALPA a thlang ngâi rêng rêng lova,engtiklaipawn khawvel a thlang reng fo a ni.kan duhna chuan LALPA duhzâwng tih a duh ngâi rêng rêng lova, tisa/khawvel lam thilte tih a duhzâwk a ni.kan duhna in LALPA lam kan hawi theilova,khawvel mawina lam a hawi zâwk a ni.kan hriatna in PATHIAN pakhat a awm a hria a,LALPA PATHIAN tak erawh tunge a nih a hrelo a ni.kan duhna in LALPA kan chawimawi thei lova, mahni mawina mai a zawng zâwk a ni.kan duhna in LALPA hming a midangte tan a nun a thlang ngâi rêng rêng lova,mahni tân mai a nung zâwk a ni.kan khawvel hriatna danah chuan semchhuah chu tlâkchhîatna/tlâkranna a ni a,mahni tâna inhâihvurh chu pun lehzualna a ni.kan duhna chuan semchhuah aichuan mahni inhâihvurh a duh a ni.kan duhna chuan LALPA hming avanga tuar aichuan, LALPA hming avanga hamthatna/hmingthanna/ropuina/hmingthatna a thlang duhzawk a ni.kan duhna chuan LALPA avanga chân aichuan, LALPA avanga a malsâwm dawn a thlang zâwk thin a ni.kan duhna chuan LALPA duhdan a awm a duh lova,kan duhdan zâwk zâwm tur atan chauh LALPA a thlang thin a ni.

Min pe tawh zawk ang

Thlemna ka do zolo kan ti thin a ni.kan dâwl zawhloh thlêmna rêng kan chungah a thleng ngâi rêng rêng lo a ni. Thlêmna kan tawh châng pawn tlânchhuahna tur a awm tel bawk a ni.thlêmna tûar hrâm hrâm tute chu an eng a thâwl e.fiah a an awm hun chuan nunna LALLUKHUM chu an tân dah/hauhsak in a awm a ni.thlemna kan chungah a lo thleng a,harsatna te nen.tuar peih ta lo chuan chu thlêmna lam chu kan âwn ta ruai ruai mai a ni. Berâm te chu hnimhring dup hmunah an bawk thin a,an bawhna hnimhring dup hmun chu an tân chuan chawtuitak a ni.an chaw tuitakah an bawk a,an duh duh hun a an ei tur hmunah ngei mai chuan ngaihtuah neilo in an bawk a,an ril a tâm veleh an tlaipuarna tur in an ei ta mai thin a ni.sam ziaktu pawn a sawi a ni.thlêmna leh harsatna te kan chungah a lothlen hian engvanga harsatna leh thlêmna tâwk ta ngawt nge kan nih ang le?thlêm ngai a i awm leh harsatna hmun a i awm kha lungngaih nan i hmang mai amaw? LALPA kei hian ka va tuar bîk ve i ti emni?i tawrhna nêptak kha liantham i ti em le?tihduhdahna êm pawh i tuar tawh emni? Chupawh lo ni ta se,i tân a i chatuan a nunna nen a thleng tham êm a hlu leh hlauhawm enge awm ni le?khawvel ropuina lem mah i chan dâwn phawt chuan eng hrehawm pawh tawrh i inhuam thin a ni lâwmni?i hmalam hun tieng turin leh hna tha tak i thawh a, hlawh tha leh sâng tak hlawh a,nun khaw nuam a i awm theih nan i peihlohna pawh hneh duh khawp in nasa tak a bei in lehkha i thiam theih map loh pawh i zir uluk nasa thin a ni tiraw?i hmalam a i nunkhaw nawmna lungkhamna avang chuan tunah hrehawm i tawrh lâwk a ngai a ni.chu hrehawmna a chhel tak a i beih zelna chuan a tâwpah hlawhtlinna a pe ta che a ni.chu i taihmâkna leh hrehawm i tawrh peihna chu i tân a malsâwm tlâk a lo ni ta a,he lei malsâwmna chu i lo chang ta a ni.khami harsatna zawng zawng thuitak i paltlang tawh kha han chhuilêt ta la,i tân a puitling taka nun i hman nan leh nunkhaw nuam a i awm nan leh hriatna tam tak petu che chaw tha leh tui tak,han ei a rum tralh si,pumpui a pâi nuam tak si ang chu a ni.a tâwpah kha harsatna chaw kha i ei/hmachhawn/paltlang zelna chuan malsawmna duhawm tak ah a hlâng kai ta che a ni.ringtu nun ah thlêmna a lothlen hian LALPAN kan tãn a eitur min lo buatsaihsak a ni tih i hre ta hauhlo mai a ni.tichuan,chu i chawtak chu eitur tha a ni tih hai in,i âwn ruai ruai a,i tlu ta khut thin a,i malsâwm dawn tur,a phên a awm reng tawhsa chu i lo chân phah leh ta mai thin a ni. Lehkha ngun tak a i zir a,i beihvak a,chu i thiam theih maploh pawh chu harsa titak chung pawh a i beih zelna piah ah tak khan malsawmna i va chharchhûak ta ang khân, ringtu nun a thlêmna te hian a phênah vân malsâwmna nasatak, khawvëlmite neih ve theih hauhloh tur thiltha leh mak ropui a keng tel tlat a ni tih hrethiam ni lang chuan chu thlêmna leh harsatna te chu i tuar ngam tur a ni.chu harsatna leh thlêmna chuan i tân chaw tuitak a pe in,a hlui mêk che tih i hrethiam lova,harsa tiin i paltlang ngam ta thin lova,i âwn ruai ruai a,i lo tlu leh ta mai thin a ni. Chumi avang chuan THLARÂU lam a i chan tur ang pawh chang ta lo chuan a lai laklawh ah i awm ta a,vân malsawmna ropui chu i chân leh ta thin a ni. Unau duhtak,hei hi hre reng ang che.ringtu i nih chhûng a eitur tak petu che diktak chu thlêmna leh harsatna te a ni. Thlêmna leh harsatna i tawh khan tunge i nih tih leh eng mi nge i nih a lang tel bawk a ni. Harsatna leh thlêmna tâwklo in ringtu tak i ni ngâi bawk lovang.ringtu tan chuan harsatna leh thlêmna te hi kan tân a eitur chaw tuitak min petu an ni a,khawvel harsatna leh hrehawmna erawhchu a thlâwn a tawrh tlawk tlawk mai a ni a,a phênah engmah a awm velo a ni.LALPA tân hrehawm i tuarlo.i thatna tur leh eitur tak pe theitu che i hmachhawn mai a ni zâwk e.chumi phên a malsâwmna awm chu chang bawk turin. Khawvel lam thilte chu hriatthiam a awl a, PATHIAN lam thil erawh hrethiam tur tak tak chuan tawrhna paltlang zel nunah chauh a ni si a. Chumi hriatthiamna leh eitur chawtuitak leh van malsawmna ropuitak petu che atana hmanrua chu harsatna leh thlêmna chu a ni.ka thian hêng thu hi hria in,harsatna hmun a i awm châng leh thlêmnate i tawh châng pawh a i hai ngâi tawh loh tur a i tãn a thu nung chu hei hi a ni.chutiang a harsatna leh thlêmna te chu i malsâwm dawnna atana hmarua leh eitur tak pe tu tur che an nih hai hauh tawh suh ang che.

j

testtest

Thusawi hlawhtlinna

Miin thiam tak mai in PATHIAN THU an sawi thin a,BIBLE THU hmang te leh an chanchin leh midang chanchin hmangten thiam tak leh tha tak leh nung tak mai in PATHIAN THU an sawi fo thin a,i thinlung luahkhat tu lo ni ta thin in leh LALPA lam a ke pên ti châkawmtu leh i nun LALPA lam a kâihruai theitu a lo chang ta thin a ni.chu chu engdang vang mah nilovin,kha thusawi tu thusawi khan i rilru a hneh vang leh LALPAN nangmah a kha thusawitu thusawi ngei a kha nung a a puan vâng leh i hnên a malsâwmna ropui tak a LALPAN a hriattir che a,a puansak tawh avang che in i lo ei ta buan buan a,kha thuhriltu thu ngei, nangmah a LALPA malsâwm chang ta ngei mai a kha i nun ah lo seng lût in,LALPA lam a i nun kaihruaitu,RINNA kawng a ke pên a, hmalam pan a hmasâwn tîr theitu atan leh RINNA a puitlin lam pan a i lo thanlen zelna tur kawng hawnsaktu che atan i lo hmang ta thin a ni. Tichuan lâwm takin LALPA i lo hnaih leh phah ta thin a ni.kha kha engnge a chhan ni ta ang le?tihian han sawi dâwn ta ila,thusawi thiamna leh hriatzâunate a tha em em a,dâizâu leh dawn tam leh dâithûk deuh deuh pawh a tha a ni.hriat tam te pawh a tha e.engpawh nise,chung zawng zawng a kan thusawi hmâwr bâwkna ah chuan LALPA ah a thu kan sawite hlawhtlinna leh a malsâwmna ropui leh hlu tak chu a awm ngei a ni. Kan thusawi rêng rêng, khawilai lai ami fawm khâwm chawp mai mai a, pawhdawh atanga lâkchhuah leh mai mai a midang hriat a LALPAN tûnkâr hunchhûng zawng a min pâwlna/hriattîr tih liam leh ringawt a,sawi mawi chawp tumna chuan kori a tu ngâi rêng rêng lova,LALPAN midangte ah mal a sâwm mawh hle thin a ni.i nun a thilthleng diktak ngei, LALPAN THUTHAR a pêk ngei che kha sawi thin fo la,i nun a LALPA inpuanna thar,nangma nun eiral hmasatu ngei kha sawi zâwk fo an che.mualpho pawh dâwn suh ang che.i mawi tumna aiin LALPA mawina khan a hliahkhuh hneh zâwk ngei ang che. LALPA avanga i thusawi ah mualpho a tûl pawh ngam zâwk la,i thusawi ah LALPA a lo lâwm tawh ang.i thusawi kha midang tan a thu i sawi rualin nangma lam tan pawh a tha tawh bawk ang.i thusawiah LALPA avanga mualpho pawh dâwn lova,THLARAU LEH THUTAK a thusawitu i nih thin phawt chuan nangmah i ding lova,nangman thu i sawi bawk tawhlo a ni.a hmanrua mai i ni a, mahse,LALPAN i kâ leh i chhûngril a luahkhat tlat ang a,thu sawi tur ngaihtuah chawp a ngai tawhlo.LALPAN a sawisak ang che nga,i ngaihtuah chawp nilo,thutha leh ril pui pui a sawichhuahtîr ang che.LALPAN nangmah ah a THU a kawltïr ang che nga,i kâ a hmang zaih zaih tawh mai dawn bawk a ni.nangmah ngei pawn mak i tih tur i sawichhuak fo tawh ang. LALPA awmpuina a thusawi i nih tlat tawh avang chuan midangte ah a THU sawisaktu che ngei LALPA chuan nung in a pëkchhuahsak tawh zâwk ang che.chu chu midang tan malsâwmna,nangma lam tan LALPA a rimtui a ni tel bawk dâwn a ni.i inpêkna lam aiin nangmah a LALPA a rawn inpêkna hlutak leh ropui tak avang chuan midangte hnêna THUNUNG pechhûaktu i ni tawh ang.LALPA i hnên a awm reng chu i tâna THUNUNG kawltîrtu che ngei kha a nih tlat tawh avangin,midangte ngaihsân pawh i hlawh tel bawk ngei ang.chu chu a ni miin thusawi nung tak a lo neih fo theihdan chu ni.LALPA tello thusawi chu ninawm leh takna neilo,borûak a zâmral mai a ni a,min LALPA ah thu a sawi rêng rêng chuan malsâwmna thuah tam tak,rimtui tak leh ei buan buan a tlai leh puarna tham lawih thlarau nun châwmtu THU THA tãwp, ngaihtlâk fo ninawmloh a chang ta thin a ni.LALPA chauh kan thusawi hlawhtlinna ngei a nih tlat avang a lo ni e.nang unau duhtak,miin thusawi thiam an ti che nge thusawi nung an ti che.nge ni a,midangten thusawi thiam min ti se i ti rilru a,thusawi thiam i tum mai mai zâwk?i tum na te LALPA ah a nih siloh chuan a thlâwn a ni.i au hahthlâwn mai a lo ni ngei ang.thusawi nung tak neih i duh si chuan LALPA nen thu in sawi dun fo tawh dâwnnia.kan thusawi hlawhtlintîrtu chu LALPA chauh a nih vangin.

Hrehawmna a ta tlanna thu

Khawvel lungngaihna chuan thihna ah min hruailuh a tum a ni.beidawnna,manganna, chungpiknate a lothleng thin a,mihring min ti mihringtu erawh a nilo. Bawhchhiatna rahchhuah a ni a,chu bawhchhiatna rahchhuah chuan mimal tin chhûngah nghet tak a bu khûar tawhin,kan thiltawn dan a zirte,kan awm mai mai te pawh ngaihtuahna thalo atanga intan te in chu beidawnna leh manganna namênloh chuan mihring chhûngah nasatak a hna thawkin a tum ber chatuan thih hnihna a min hnuhluh chu tipuitling turin hna a thawk ta a ni.chu a hnathawh rahchhuah hrang hrang avangchuan nang leh kei hian natna kan lo vei phah ta a,chu natna chu eden natna sual rahchhuah i vei chu a ni.chu sual rahchhuah chu nang leh kei a natna a lo ni a,chu natna benvawn chuan mihring chhûngah ngêtlung ang mai a hna thawk in mitin chu a kher ta a ni.chu ngêtlung in a a kher natna che avangchuan namên lohva hrehawmna chu i chhûngril ah lo awmin,a luahkhat ta che a.chuvang chuan nun hrehawm tihna a lokhat tawhin,i nun a muang thei tawhlo a ni.engkim ninna in i lo khat zo ta a,a vûaklêt pawh mahni nun chhah duhna chu a lo ni ta ber a ni.chutak chu sual hnathawh lianber a lo ni dâwn tih leilung pianhma in PA PATHIAN in a hre daih tawh.chu chu tûn a i vei lai mêk a chu a ni. Chumi avanga i hrehawm tawrhna chuan hlimna pe theilo che in i nun chu hrehawmna hlîrin a luahkhat ta a.chumi avang chuan hringnun chu i lo ning ta hluah hluah mai a ni.chutia awm zel aichuan i nun chhah mai duhna in i lo khat tawh a,chu ngei chu hmêlmapa tum tak chu a ni.chatuan thih hnihna a hruai tur che in.chumi eden natna avanga i nun chhe tawh,boral mai tur tlan a tidam leh tur che in LALISUA KRISTA chu i tân hmânlai hun kal ta ah daih tawh khan a lo kal a, a lo tuar tawh a,i tlanna thu pawh a thawhlehna thiltitheitak avangin a lo puansak diam tawh che a, i dam tawh thu hi lo hre rawh u a ti a ni.chumi hriatna nung chu i neih theihna turin THLARAU a luahkhah i ngai ta a ni. Chumi luahkhahna thil titheitak chang tur chuan AMA nun a pe che a,a tlan tawh che a,tûnah i chhûngah a THLARAU a dah a ni.chumi hriat theihna chu LALPA PAKHAT,LALISUA PA PATHIAN tirh i pawmna ah a ni.min tlan a,min chhandam a,chatuan a nung reng tawh turin thihna chelh hlen rualloh in thihna hneh in a tho ta a,PA dinglamah a han thru ta a,mitthi leh minung rorelsak tur a ngei chu a ni tih i hriat a,i pawm chuan chu chu i tân a chhandamna kawngka inhawng mêk chu a ni e.chu hriatna nungtak chu nang leh kei a chan tur a ni a,chumi hriatna nung pêk kan nih avang chuan chumi ah bawk chuan mitin tan a eden natna hliam a awm te damna tur chu a awm a,thihna tûr fanchhuahte tân a tlanna nung pawh a awm a ni.bawlhhlawhte tan a silfaina a awm a, retheite tana hausakna thurûk pawh chumi ah chuan a awm bawk a ni. Chumi tlanna nungtak avang chuan thihna ata kan chhuak a,nunna ah kan lût ta a ni.a tha i ti ve ngawt em le?

Sual hnehna nun 1

SUAL HNEHNA NUN-1 Sual ngam che in awm suh la,thatna in sual chu ngam zâwk rawh.tih THU hi kan lo hre fo tawh ngei ang.a hmasa ber ah chuan sual chu enge anih chiah tih han sawi dawn ila chuan thuawihlohna,dân zawmlohna,dan bawhchhiatna ani kan ti thei ngei ang.chu chu eden a huan atanga intan kha a ni a,a dik hle a ni.chu eden atanga intan lo awm chhan chu setana rûlpui tar diabola ani a,chu sual chu khawi ami nge ni ta ang le?awle,sual intan dan lang thei a BIBLE in a sawi chu setana atanga intan in a sawi a ni. Nimahsela,chu sual chu a SIAMTU,ENGKIM SIAMTU, PA PATHIAN ah a awm a, tha SIAMTU chuan sual a siam thu BIBLE ah a chuang ani.tha pawh ka siam a,sûal pawh ka siam tih thu BIBLE ah kan hmu. LALPA chu engkim SIAMTU a ni.a siamloh engmah a awmlo.chutak avang chuan ani sual chu a upat dan kan hriat chauh ni. PATHIAN awmtan ni i hriatloh ang bawk a sual pawh chu awmtan ni hriatloh,upa tak a ni. Chu sual tûr hlauhawm tak chuan nang leh kei hi min fanchhûak ta a,chu sual awmtirtu chu setana a nilo.LALPA a ni.nang leh kei sual a kan khahna chhan tak sual admit hmasa ber tu chu setana hi a ni.chu sual chu engvanga PA PATHIAN in siam ta mai nge a nih tih chuan,tha a lanna tur in. Chu sual chuan tha chu a thatzia a tilang a ni. Thianghlim a awm dawn chuan bawlhhlawh a awm a ngai.PA PATHIAN ENGKIM TITHEIA,ENGKIM SIAMTU chuan engkim mai hi a rêl fel thlap mai ani.nang leh kei a sawichhîat phâkrual loh khawp a sâng tak a awm a ni.nang leh kei hi engvanga sual a tlu nge kan nih le tih chuan PATHIAN hmangaihna leh khawngaihna ropui tak mai hi lei mihring ten kan hriat zawh ve phâkna tur a sual a tlu kan ni.mak i ti mai thei.eden tih awmze dik tak BIBLE a kan hmuh dan chuan PA ângchhûng nuam leh thianghlim sawina a ni a,nimahsela, PA ângchhûng thianghlim,AMAH PA PATHIAN in a awp reng,a vênthat reng ah chuan sûal a lût thei tlat mai. Kha tak kha a ni.a makna chu.eden a huan kha LALPAN a vênthat zawh loh vang a sûal lût ta em ni?nilo,ruahmanna leh tum feltak nei a sual bumna a tlu ta kan ni. Chhandamna chungchâng thu pawh KRISTA ISUA he khawvel a a lo kal lai a intan ta amaw i ti mai thei.a nilo.leilung pian hma a talh tawh BERÂM NO a ni.mihring lei a vaivut a siam a kan awm hma leh leilung leh vân thengreng a ni leh thla, arsite awm hma pawh in kan tlanna thu hi thu in a lo ri tawh ani.

Sual hnehna nun 1

SUAL HNEHNA NUN-1 Sual ngam che in awm suh la,thatna in sual chu ngam zâwk rawh.tih THU hi kan lo hre fo tawh ngei ang.a hmasa ber ah chuan sual chu enge anih chiah tih han sawi dawn ila chuan thuawihlohna,dân zawmlohna,dan bawhchhiatna ani kan ti thei ngei ang.chu chu eden a huan atanga intan kha a ni a,a dik hle a ni.chu eden atanga intan lo awm chhan chu setana rûlpui tar diabola ani a,chu sual chu khawi ami nge ni ta ang le?awle,sual intan dan lang thei a BIBLE in a sawi chu setana atanga intan in a sawi a ni. Nimahsela,chu sual chu a SIAMTU,ENGKIM SIAMTU, PA PATHIAN ah a awm a, tha SIAMTU chuan sual a siam thu BIBLE ah a chuang ani.tha pawh ka siam a,sûal pawh ka siam tih thu BIBLE ah kan hmu. LALPA chu engkim SIAMTU a ni.a siamloh engmah a awmlo.chutak avang chuan ani sual chu a upat dan kan hriat chauh ni. PATHIAN awmtan ni i hriatloh ang bawk a sual pawh chu awmtan ni hriatloh,upa tak a ni. Chu sual tûr hlauhawm tak chuan nang leh kei hi min fanchhûak ta a,chu sual awmtirtu chu setana a nilo.LALPA a ni.nang leh kei sual a kan khahna chhan tak sual admit hmasa ber tu chu setana hi a ni.chu sual chu engvanga PA PATHIAN in siam ta mai nge a nih tih chuan,tha a lanna tur in. Chu sual chuan tha chu a thatzia a tilang a ni. Thianghlim a awm dawn chuan bawlhhlawh a awm a ngai.PA PATHIAN ENGKIM TITHEIA,ENGKIM SIAMTU chuan engkim mai hi a rêl fel thlap mai ani.nang leh kei a sawichhîat phâkrual loh khawp a sâng tak a awm a ni.nang leh kei hi engvanga sual a tlu nge kan nih le tih chuan PATHIAN hmangaihna leh khawngaihna ropui tak mai hi lei mihring ten kan hriat zawh ve phâkna tur a sual a tlu kan ni.mak i ti mai thei.eden tih awmze dik tak BIBLE a kan hmuh dan chuan PA ângchhûng nuam leh thianghlim sawina a ni a,nimahsela, PA ângchhûng thianghlim,AMAH PA PATHIAN in a awp reng,a vênthat reng ah chuan sûal a lût thei tlat mai. Kha tak kha a ni.a makna chu.eden a huan kha LALPAN a vênthat zawh loh vang a sûal lût ta em ni?nilo,ruahmanna leh tum feltak nei a sual bumna a tlu ta kan ni. Chhandamna chungchâng thu pawh KRISTA ISUA he khawvel a a lo kal lai a intan ta amaw i ti mai thei.a nilo.leilung pian hma a talh tawh BERÂM NO a ni.mihring lei a vaivut a siam a kan awm hma leh leilung leh vân thengreng a ni leh thla, arsite awm hma pawh in kan tlanna thu hi thu in a lo ri tawh ani.

Sual hnehna nun 2

SUAL HNEHNA NUN-2Awle,sûal chu enge ni tih leh engtia upa leh engtia lo awm ngawt nge anih kan sawi ta a.sual chu engtia ngam tur nge tih kan sawi tan chhoh tawh ang.a hmasa in ka pêng leh hlek teh ang e.chu sual upa tak mai chu eden ah,chu chu PA PATHIAN vênhimna ângchhûng a huan pakhat awm chu a ni.mahsela,sual a lüt tlat ta mai a ni.tihian han sawi dâwn ta ila,BIBLE a kan hmuhdan chuan PATHIAN chu hmuntin a awm,danglam ngâilo, chatuan mi,muhîl ve ngâilo,engkim chung a thuneitu,engkim siamtu leh engkim neitu,engkim tithei a ni a,engtiklai pawh a inring reng, engkim hretu leh engkim hmutu,mit hlîr a khat ang leh khawi kip a awm, hriat hmaih leh hmuh theihloh neilo,PATHIAN CHAKA,REMRÛATTUA a ni. Chutiang khawp a ropui kan PATHIAN chuan huan chu a ropuina leh a thiltihtheihna leh a khawngaih,hmangaihna chuan a ûap tlat a.hmun tin,kiltin mai chu fangkual reng ang mai in a awp vek a,hmuhloh a neilo.a mithmuhah chuan engkim mai hi a hmutlang vek a,sarûak leh inhawngsa ang a ni. Tiin BIBLE chuan min hrilh a ni.nimahsela,sûal chu a lo lût ta tho mai.duhtak a LALPAN a siam mihringte chu a thlêm ta mai a nih chu.chu chu thudangah dah ta ila,huan laitak a awm phun nilo,lei atanga lo tiak a lo chawr a lo thanglian pawh nilo kha a dah ngat a dah a awm a, chu chu nunna thing leh a chhia leh a tha hriatna thing chu a ni.a rual a vawikhat a PA PATHIAN chuan dah a ni.a hmasa leh a hnuhnung a awmlo, an awmdûn rual tawp mai ani.a chhia leh a tha hriatna thing,setana symbol,sual symbol chu an lo ang a,an ei ang tih mihring PA thinlung lam a siam a kan awm hma tawh atang khan PA chuan a hre vek,mahsela,a dah ta tho a ni.kha tak khan chhandamna thu ropui leh nungtak lo pianchhuah theihna tur kawng a kawhhmuh ta a ni.chumi thu ropuitak mai,nang leh keiin a kan lo neih a,a tak a kan lo channa turin,thu chu tisa a a lo channa tur kawng ruahmanna feltak,chatuan LAL ruat danglam ngâilo leh sawisêl phâk rualloh khawp a famkim tak a a lo thlen theihna kawng intanna tak chu a ni.lei mihringte hi sual ah tlu lo ta ila,PATHIAN hi i hre kherlo mai thei.chutakchu a ni,LALPAN a duhtak a a siam,mihringte ah inhriat tir a duhna chu ni.a mak a ni.he LALPA hnathawh ropuitak,sawifiah zawh phâkloh leh hriatfiah zawh phâkloh sawisêl phâkloh khawp a tha famkim leh felthlap ni si hi a ropui in,a chatuan remruatna feltak,lei mihringte chhandamna thunung leh ropui,PATHIAN in lei mihringte vâkvãi a min rawn zawnchhuahna hi a hlu a ni.nang leh kei hi chatuan LAL ruat a a nih dan tur dik tak a thleng tur a tel ve phâk kan lo ni ta mai hi mak i inti ve ngawt lomaw?awmlo ata awm a a dindan che ringawt mai pawh hi hahîp a sawitham lawih i ni tawh hrim hrim a ni. Chumi kawng lo intanna leh kawng lo inhawnna bul ber,chu chhandamna thunung leh ropui lo intan tîrtu leh lei mihringten a PATHIAN hriatna ropuitak kan lo neih theihna tur a sual lo awm chhan leh sual siam a lo awm chhan tak chu chu chu a ni e.sual hnehna nun kan kai tan tawh dawn a ni.a sei deuh dawn a ni e.

Ka Lalpa min kohna

KA LALPA MIN KOHNADavid RenthleiKa LALPA min kohna aw chu ka lo hre ta,a hna thawh chhunzawm zêl tur in.KRISTA aia palai kan ni tawh si,thih thleng a rinawm a thawk zel turin.LALPAN amite a kohchhuah dawn hian harsatna tam tak a lothleng nghal thuai thin. Chhûngkaw lam harsatna atangten bul tan angai a, chumi harsatna chu paltlang a ngai fo thin ani.kan harsatna lam dahlen hmasak a awl fo thin a,LALPA min kohna erawh engtia han chhân tur nge?khawilam kawng nge hrût vêl a zawh tur tih lah a bangbo thlâk hle ani.a aw kan hre tawh si a,CHHANDAMTU aw chuan chhuak rawh tih THU min pe tawh.mahse,haihchham tak leh bangbo tak mai leh harsatna nen kan la khat trul mai lawi si.rilru a chavâi a,ngaihtuahna pawh a bïng mup mup ani deuh ber.a eng ber nge han thlan dan tur lah hriat a har a,a lehlamah chhûngkua ah sual in hna a lo thawk ve mêk bawk. Chumi fiahna paltlang tur chu kan hmachhawn rân mai ani.Abrahama kha a pa têra milem be mi hnen atanga kohchhuah anih dâwnlai vêl a chhûngkua an buai dan tur leh amah pawh in chinlêm nei lova manganna nasa tak aneih dan tur te kha ka ngaihtuah thin.amah hmangaih em em tu a then a ngai a,aman a hmangaih em em te a kalsan a ngai ani.tun ang hun ang mai a PATHIAN hriat tawh hnu ang mai ah ngailo la,a la hriat ngailoh aw kha atan rintlâk tak tak a han ring zo tur khan engtiang tak in nge a ngaihtuah ang le?ram ka la entir tur che lamah kal rawh tih THU a dawng a,chu chu khawilam nge a hre hauh lo ani.khawilam nge ka pan tâk ang le?chhûak tur a THUPÊK dawng ta ang mah ila ka kalna tur kawngchin ka hre hauhlo ani.ka hriat ngâiloh leh ka la ngaihtuah ngâi hauhloh,ka la kal ngâilohna ram,engtiang nge?hlauhawm tawn tur eng ang a nasa nge?chutah chuan engtiang a harsatna nge paltlang tur la awm fo ang tih leh chu ka kalna tur lam chu khawilam kawng nge a kawngtrum chu ni ta ang le?rilru a mangang duh ngawt ang tih rin theih in a lang ani. Chu i manganna ah tak chuan LALPA râwn la,a nin kawng a kawhhmuh dâwn che nia.chu i zawh tur lamtluang thui tak chu zawh tur in a hruai ang che.i kawng atan êng a ni ang a,chu chu thim in a hliah theilo a ni.kaldan thiam turin AMAN a hruai ang che.AMAH ah i awm phawt chuan LALPA chu i kalna atan ke a ni tel nghal bawk dâwn a ni. thlamuang takin kalsual hlau lovin i kal dâwn bawk a ni.A AW i hre tawh a,i kalna lam tur lungkham lovin chhûak râwih mai la,ANIN a lo hruai ang che.chutia AMA rual a i kal zel phawt chuan i tum ram leh a dahna tur hmun ngei ah che chuan lâwmna kumhlun chu chang chung in,LALPA nen in lêngdun tawh ang.a malsawm dawnna hmun ngei,a malsawmna ram ah chuan êng ropui tak leh thil ropui tak chu i hmu dâwn nia.thih hnu a chatuan a nunna nen.

Unau Indo

UNAU INDOAwle,kan hriat theuh tur chu unau indo hi a ni.tha unau chu sual hi a ni a, chu sual lo awm chhan leh sual upat lam post hmasa ah kan sawi tawh a ni.khawvêl tâwp hma,kan tum ram VÂN JERUSALEM THAR a kan awm hma chuan sual leh tha hi unau kaldûn reng an la ni dâwn a ni.chu sual chu tha chuan a do reng a,sual pawh in tha chu a do reng bawk a ni. Tupawh tha hua chu sual lamtrang a ni a,êng hua pawh thim zîng a awm chu a ni.PATHIAN lam a tan i duh chuan sual i huat a ngai a,sûal hûatna tak tak i neih a ngai.thim hua chu êngah an kal thin bawk.chu sual leh tha chu unau anni a,kan damlaini a tlâk hma chu sawiloh, khawvêl tâwp hma chu an kaldûn reng dâwn a ni. Tuman hotu pahnih rawng an bâwl kawp theilo.pakhat hua in, pakhat an duh ang, pakhat thlauhthla in pakhat zâwk zâwk an nei ang.PATHIAN leh sual rawng a bâwl kawp theìhloh.i lum chuan lum law law la,i vawh chuan vawt law law mai rawh.a pahnih a duh kawp/pawm kawp a theihloh.tupawh ka lam a tang lo chu mi do a ni. Chu tha lam a i tan loh chuan i duh kawp theilo. Duh kawp kha tha do a ni tho tho a ni.tha leh sual chu unau nimahse,a tîr a ta indo leh in mihran an nih avangin a tâwp an la si ve ve dâwn a,chu chu tâwpna niah a lo la thleng ang.tha lam chauh chu PA PATHIAN chuan chatuan atana nung tawh turin a thinurna berhbu, sûal hlîr a a khahna lam zâwk kha chatuan a mei leh kât a kâng dîlah chuan a la paihlût ang a, chu sual chu chatuan a thi hlen tawh tur a chatuan a thihna la chang tur chu a ni.unau duhtak,i unau sual chu i huat tak tak a,i thlauhthlâk phawt chuan, kan PA ramah ni angin i la êng dâwn a,sûal rêng rêng a awm tawh lovang. Chu sual chu i la thlahlo a nih chuan i damlai ni lo tla ta se,chatuan a mei leh kât a kâng dîl i la chang dâwn a ni.chu chu kan PA thinurna berhbu,a sualna zawng zawng a la paihna tur hmun chu a ni.a nuam hranpa lo khawp ang.a sawiin a sîak lo a ni.tha lamtang i nih chuan VÃN JERUSALEM ah chuan ni ang in i la êng ang a, angelte ang in i la awm ang.khawilam nge i thlan dâwn?i damlai ngei khân chingfel ang che.ni chu ni, nilo chu nilo in i awm tur a ni.ni deuh zekzuk in i awm chuan LALPA kâ ata chhâkchhuahin i la awm dâwn a ni.duhloh inih nghâl siloh chuan.

AMA THU ngai rawh u

AMA THU NGAI RAWH U. Awle,a hmasa in kan thu hi LALPA tenzâwng vek a ni mai a nilo,kan thu hi keimahni ngei tan pawh a tha pakhatmah a awmlo a ni.kan awmdan tur,kan hun lo kal zel dan tur pawh kan hre mawlh lo ani.keimahni tih ve theih tak tak engmah a awmlo. Engkimah AMA THU kan ngaih a ngai.PATHIAN THU nilova keimahni a thil kan lo tih tum na hi zawng a kawnglo a ni.kan tih ve a tel tihna rilru pu chung a thil kan lo tih ve ngawt te,PATHIAN rawngbawllo, mahni rawngbawl mai a kan awm chuan PATHIAN a ropui thei ngailova,keini pawh kan mualpho thuai ta thin ani.keimahni chêtchhuah lam nilovin, AMA THU a kan chetchhuahna zelah LALPA ropuitak chuan thil a ti thin.a thil tihtheihzia hmu tur chuan mahni lam ralna hmunah a ni a,chu mahni lam kan ralna hmun,engmah titheilo ni a kan inhriat tawhna hmunah tak chuan i LAL mawina leh ropuizia,a thil lo tih theih zia i hmu ang. Mahni bâwl a bâwl an awm a,PATHIAN rawng bâwl an awm bawk. PATHIAN THU lo thleng ti rawh tih THU kha thil i lo tihpui a pawimawh.mahni phur a phûr hlut atanga tih erawh a rah chhuah chu a sawhkhâwk in a déng trâwlh ngei ang che.phûl but thiltih te a thalo. LALPA THU lo a i chetchhuah chuan i chetchhuah zah chiah hlawhchhamna leh beidawnna leh mualphona rüamah i inhnûklût a nimai.nova khan LALPA THU a lawng a tuk khan an chhûngkua in an him.chutiang zelin Abrarahama te LALPA THU hmu a kal chhuak an ni.a tam mai.LALPA mi, THUTHLUNG HLUI hun amite leh THUTHLUNG THAR amite pawh AMA THU hmu vek a chê an ni. PATHIAN THU a che thinte chuan AMA THU an ngai châng thin a,LALPA THU lo chuan an che ngawt ngam ngâi lo a ni.LALPA THU lo thleng thin a awm a,keimahni duhdan leh tha tih zâwng duhdan zâwng pawh a awm.he mihring atanga chhuak nilo hi a hran hlak a THU lothleng thin a awm a ni. Novan PATHIAN a ring chiam a,lawng a tuk risk lo.Nova lawng tuk rawh tui a lêt dâwn tih THU lo thleng kha kum za atan a lawng tukpui atan a rintlâk zo em em ani. nangmah a PATHIAN THU lo thleng ang a i chêtchhuah a, LALPA THU i ngaihchân phawt chuan ka tih ang te a ti mai lo,ka tih ang aia ropui leh nasa thiltihtheihna in la nei ang a ti a ni.AMA THU i ngaihchân a,AMA THU ang zel a ke i pênna zâwn zel ah chu thil ropui leh inthup,i hriat ngâiloh chu entîr/hmuhtïr i la ni ngei ang.

Sual hnehna nun 3

Sual hnehna nun part 3 PATHIAN chuan a mi hmangaihna chu faktlâk in a lantîr a,misualte kan nihlai a,kan aia ISUA a thih avangin.a thu hmasa tlêm kan tuihnih teh ang. Sual avangin PA hmangaihna a lolang a, PA thil tiam THLARAU THIANGHLIM kan chang a, PA ropuizia leh a nihna kan hre ta a,mihring chu eng ang a PA tel lova,lo ho nge?eng ang a nun derthâwng nge kan nihzia kan hre ta a ni.chu tak chu kan hriat theih nan a sual a tlu ta kan ni. Nimahsela,PA lam en ta lo chuan lei lam kan thlir ta tlat a ni.PATHIAN thiltum tak chu mihringah a hlawhchham ta a.i ngaihtuah te hi ka ngaihtuah te a nilo,i duh te ka duh an ni silo tiin PATHIAN chuan kan nihdan tur ang tak a a lo ruahman tur ang chu ni zo ta lovin,kan nihna khawlo tak chu min puansak ta a ni.a nihna takah chuan amah nen a inhriatchianna tak tak a lêndun kha a duh ber a ni. Mahsela,chulam kawng chu mihringin a zawh ta lo.KRAWS a PA hmangaihna lang chu a hmutute ah a lang fiah ta zel zawng a nih hi.hmulo tun kraws ah an khengbet.tâwk ta sela,chu sual chu nang a hneh chi rual a nilova,AMAH LALPAN,HNEHTU LAL ROPUI BER a nihzia,chu kraws ah ngei chuan a puang ta.thi a tho leh a ngei kha.AMAH chu chatuan LALPA,HNEHTU LAL ROPUI BER niin leiah a lo la ding leh dawn a ni. Chumi nun neitu tân lo chuan sual hneh theih anilo.chumi nun nei a sual hi sual a nihzia tihlan a,a nun bulber nei a lei a kumsâng rorelna thleng pawh a,chu nun ropuitak chu neitu ni atan a duh che a,i tlin ta nang lova, mihring nun,dam hun chhûng pawh a tawi phah na leh in eitawn a kan awmna chhan lochhuahna bul leh thisen chhuahna leh thihna ten thla an zâr tâk na chhan chu,chu PATHIAN thiltum, a chatuan remruat i tihthlâwn vang a,a nilo lam a i pên tâk avang a ni e.

LALPA mi hman te

LALPA mi hman kan tih te hi LALPAN a hmang a,a dik a ni.mahse,LALPA an hman theih a inpe chu an hmang mai a ni zâwk. LALPA chu an nunkawng HRUAITU atân an hmang a,an nun a lalber atân an sâwm vâng a ni.chu nun chu LALPAN anmahni a chhandam tawhte nun a ni a,rawngbâwlna a kal tawhte nun a ni.pianthar hma nen hriatpawlh lo hrâm ang che.piangthar tawhte nun a ni ka sawi ni.chu LALPA hman tangkai dan an hriat tlat na avãng chuan midang ten an nun a thil tihtheihna awm chu an hmuh hmaih hauhlo a ni. Chu chu anmahni atanga chhuak nilovin,chunglam thiltihtheihna a vûrh khah an nihna chuan midangte tâna malsâwmna an chan theihna tur atãna mi hmantlák tak leh thil tihtheihna a khat nun neiin a siam mai zâwk a ni.LALPA an hman tur a inpe chu an hman tlat avangin LALPAN a hmang hle mai i lo ti ta a ni.chu nun intanna erawhchu LALPA chhandamna nangmah ah a thlen phawtna atanga bul lo intan chhoh ta chu a ni.i hman turin hniam takin a inphah hnuai a,a inpe ta a.chu chu nangma hnen a hman theih a a rawn inpêkna nun i lo chan chiah hian LALPA hmangtu nun,LALPA mi hman kan tih nun chu a takin kan chang ta thin a ni.chumiah chuan chawimawi hlawhna a awm a,sâng takin LALPAN a châwisâng ve tawh ang che.miten i hlim an hmuh ringawt pawn nun nawmna an chan phah tawh ang a,LALPA avang chauhvin midangte nun chhandamtu,midangte tâna malsâwmna thlentu, midangte LALPA hnêna hruai thintu i lo ni ve tawh dâwn a ni.chu nun chu i awh êm êm nun, midangte chan theih atan chauhva i ngaih kha a ni a,LALPA khawngaihna changtute tân engtiklai pawh a dawn theih, rawngbâwl hna pawimawh tak chu a ni e. I chan atan i duh ve em le?

a duh tan beutiful line

http://pakak.wap.sh/line%20and%20bars%20image

Inbia ang hmiang

Lalpa bêlrûat

LALPAN a mite hnêna thiltih tum a neih hian a mihring lam erawh chuan a hrethiamlo a ni. Nimahsela,kan tanlâk lam nilovin,LALPA tanlâkna avâng zâwk a hlawhtling tur chu a ni.i tanlâk vakna avang leh i inpêk viau avanga thleng tur ni lovin,a thleng tawhsa nangmah a LALPAN a tihhlawhtlinna tur lam a ni zâwk mah.chumi tihlawhtling tur pawn nangma lam inpêkna a pawimawh tehchiam lova,nangmah ah LALPA a rawn inpe zâwk tawh a ni.nangma duhna lamah a in nghat lova,LALPA duhna che kha AMAH,LALPA tâna pawimawh a ni.chu thil tum,LALPA bêlrûat inihna lo thleng tur chu LALPA remtih leh tûl tihna lam a ni zâwk mah.nangman a tûl a i hriat hma pawhin, nangmah ah LALPAN tûl a lo ti tawh a,chu chu matheilova nangmah a la thleng ngei ngei tur a ni.i duh leh duhloh in kawng ro a su lova,kori a tu heklo,a tîrlui dâwn tho tho che,i phatsan in,i tlânsan thei heklo.tlânsan i tum nasat poh leh i tuar nasa ting a nimai.chu tirh luih rawngbâwlna ah chuan inpe lo thei lovin a siam ang che.tap chung pawn i kal tho tho ang.chutah chuan nangmah avangin Lalpa a hlâwk tawh ang a,nang erawh chuan hmuhsit,sawichhîat,elrelna te i tâwk ang.i hlâwkna tur i chân tawh ang a,hrehawm tuar chung in ram thim,ramro i paltlang ang.chutah chuan rûm leh khawharna a awm a,mittui tla chung a tuhtu i ni ang.mahse,nun hlimna thurûk i chang tho si ang a,vân malsâwmna tak tak a vûrh i ni tawh ang.i nunah LALPA a lalber ang a,i hriatna lam nilovin,LALPA hriatna kha a hlu zel zâwk tawh ang. Nangma lam chu dahthat in i awm ang a,nangmah avangin LALPA a lo langsâr tawh ang.mite lungten i ni ang a,mite duhloh leh chilchhâkna hmun chu i tâna LALPA thlansakna hmun che a ni zel tawh ang.ropuina leh châwimawina chu nangmah nilovin LALPAN a khum zâwk tawh ang. Chuta i thiantha ber chu midangte nilovin LALPA a ni tawh zâwk ang.mal tlat a awm siin i hlimin,i thla a muang ru viau tho si ang.nangmah a LALPA a awm tlat tawhna avangin.i mangannaah leh retheihnaah pawh i tlachham lovang,i duhber LALPA chu i tana a nun reng avangin.i lamtang chu LALPA ngei a nih tlat avangin dodâlna kâra lêng siin i him reng thung si ang.nangmah a LALPA tanlâkna avangchuan chakna thar a thuam thar reng i ni ang a,i chaklohna kha i chakna intanna tur zelah a chang tawh ang.

THLARAU hruai a awmte nun

PATHIAN THLARAU hruai a awm apiangte chu PATHIAN fate an ni a, PATHIAN THLARAU hruaiin nge i awm?nangma duh dan in a hruai che? PATHIAN THLARAU chuan nangmah ah duh dan a nei a,hruai duh dan che a nei thin a ni.nangmah a a duhdan tih hlawhtlin a a awm fo theihna turin a duhdan ang a hruai che a tum a ni a,i duhdan a lal chhûng chuan a hruaina chu i chang thei lovang. Duhdan leh tumdan nei rân chung a LALPA bêltute an hlawhchham laiin,duh dan leh tumdan nei thei ve tawh ngâilote erawh chu anmahniah LALPA hruai a awm theihna dân tihhlawhtlin a a awm theih nan a hlawhtlinna an dawng tawh reng a ni. Danglam tak a nun hman lam a kâwk ber lova,nun danglam an chang mai zâwk a ni.chu LALPA hruaina changtute nunah chuan nun danglam tak, entawn tur nun chu a awm a ni.anmahni duhdan a lal ve tawh lova,LALPAN an nunah lalna a chang pumhlûm a ni.LALPA duhdan chu an nunkawng hruaitu a ni a, an chawtuiber pawh LALPA THU chu a ni.a hun leh hunlo an ngaihtuah lova,LALPAN hun a tih kha an tan a tâwk viau a ni. Mi ngaihdan leh an ngaihdan aiin LALPA an dah lal ber a ni.LALPA an mamawh tawh lova,an mamawh ber LALPAN a hruai tawh zâwk a ni.mi lam an en ve ngâi lova,LALPA lam an entawn zâwk thin.midang nunah an buai ve lova,LALPA ah an in nghat tlat thin.an tân LALPA chu an êng a ni tawh a,thimna in an nunah hmun a chang ve tawh ngailo.nun ralmuang neih tumin tan lâk a ngai tawh lova,an nun ralmuanna chu LALPA a ni.lan mawi chawp tum in tan an la ve lova,an mawina chu LALPA chauh chu a ni.LALPA THU awih an tum ve ngailo.thu awih nunah an lût tawh a ni.avangchu,LALPAN an nunah hmun a chan tlat tawh avangin.chutiang a LALPA THLARAU hruai a awmte,an nun a LALPAN hmun a chan tlatna te chuan an harsat hun a lo thlen ve deuh châng pawhin LALPAN an lam a hawi thuai a,a tanpui thin ani.chutiang nun chu i chang ve duh em le?ti tawp khan i chang thei a ni.

Thu tlem talin

He ka blog tlâwm takah hian ka lo lâwm a che,he ka blog tlâwmtak a PATHIAN THU ka dah te hi i thlarau tân a nun hahchawlhna atan a nun châwmtu tha tak atân i lo hmang thin dâwnia

He ka google blog tlâwmtak,PATHIAN THU ka dahna hmun hi enge ang i tih?a tha i ti em?a that leh thatloh dan te i sawi ve dawnia.he ka blog ah hian thu khawchâng kam hnih khat tal min hnutchhiah ve dawn lawmni?

Ka blog i chhuahsan hma in tawngkam engemaw tal min lo comment ve ang che.ngawi reng a ka blog chhuahsan mai lovin,i tlawh ngei tih ka hriat theih nan