KRISTA kan damna

THOLEH KRISTA ah chuan damna a awm,eng natna phuar a awmte phelh theihna thuneihna famkim chu KRISTA ISUA ah pêk a ni tawh.AMAH ah chuan kan damna tur chu a awm a ni.kraws a thihna chuan taksa na te, thinlung hliam te thlarau thihna te a khêngbet vek a,thlânah a kalpui ta a. Phûm a awm kumkhua tawh turin.THOLEH KRISTA ah erawh chuan mitin tana damna famkim a awm a,chu thawhlehna thil tih theihna chuan mitin chhûngah hna thawh a min kaltlang a duh a ni.chu kraws a khenbeh tawh i mihring hlui sualna dân ânchhe lak ata chu THOLEH KRISTAN a tlan ta che a ni. Kraws a chinral a awm, thlan a vuiliam tawh chu chatuan atan THOLEH KRISTA chuan a hneh tawh.chu thawhlehna chuan i tan damna thu a puansak tawh che a,i dam ta tiin.inhriat dam tum lam a nilo,i dam thu hriatna a ni zâwk e.mahni lam a danglam tak a dam na chan tum a tanlãkna a bo tawh.mahni lam a damna zawn lam a bo ta a.i dam tawh thu a puansak tawhna che zuk hriatna a innghat avang chuan taksa ngei pawh tihdam,tlan chhuah kan lo ni ta thin a, chumi ah bawk chuan thiamchanna rêng neilote tana thiam channa pawh a awm bawk a ni.chumiah bawk chuan rilru hliamte tan a lâwmna thurûk pawh a awm bawk.chu nun chuan engtiklai pawh a pângngâi rengin min luh chilh a duh a ni.LALPAN a tidam che a,i damna thu a puansakna che kha AMEN, a lo nimaw ti a THLARAU a hriattirna nungtak nen a lo dawn mai kha i tan a tâwk zo em em a ni.