Milem chu

Milem a tak ang deuh hi a tak a ni theilo a ni.milem chu a ngâi reng a.chuai ni a neilo.a lungngai thei lova,a lâwm thei heklo.a tar thei lova,a ngâi reng in a awm thin.chutiang ang deuh chu ringtu nun kawng ah i ngai em le?a ni amaw tiin i lo pawm ve tawh em ni?i nunkawng ah khan harsatna i tâwklo a nih chuan hlawhtlinna lamtluang i zawh ngai lovang.i nun a beidawnna a lothlen loh chuan beiseina i nei ngailovang.i nun a lungngaihna i tawh hmasakloh chuan lâwmna tak i nei thei lovang.i nun a manganna a lothlen ngâiloh chuan thlamuan in i awm thei lovang.a lem chuan hma a sâwn ngai lova,hmasâwn turin a la tlahniam ngâi rêng rêng lo a ni.hmalam pan turin a la hnungtawlh ngai lova,chakna thar nei turin a la chau ngai reng reng lo a ni.engkim hrefiah turin hriatloh ram a la dai ngai heklo.hriat thiamna nei turin hriat ngailoh a nei bawk lova,finna nei turin a la mâwl hmasa chhinlo bawk.chutiang mi chuan rimtui tak chhuah turin nunrimchhia a nei heklo.a thar zel a nung tur pawn vuai a chul ni a nei heklo.chutiang ang mi chu pârmawi khawvel a LALPA tâna mi hmantlâk ni atan an tlâkin an duhawm thei ang em le?